Архимандритот Јоаникиј Ракотински прогласен за светец

Share Button

Одлуката на САС на МПЦ-ОА за впишување на Јоаникиј Ракотински во списокот на светиите ја прочита епископ хераклејски Климент. Тој рече дека за новоканонизираниот светител е живописана икона и е напишано житие, синакса, акатист, утрена и вечерна богослужба.

– Овој новопојавен преподобен и богоносен отец наш Јоаникиј како што сведочи неговото опширно житие се родил во преславниот град Охрид, но сега е граѓанин на небесниот, неразрушлив град на светиите, таинствениот Сион, истакна г.г. Стефан.

Покрај останатите дарови, обогатен и со чудотворството, посочи архиепископот охридски и македонски, се покажал како евангелскиот добар самарјанин за оние кои со вера му пристапувале христијани или иноверни.

– Откако направил многу чудесни дела ја запечатил судбината зашто, не времето и околностите ги прогласуваат светиите, туку благородството на совршената и нелицемерна љубов кон Бога, додаде г.г. Стефан.

Претходно, во 8 часот од мостот „Гоце Делчев” тргна свечена литија со моштите на преподобниот Јоаникиј Ракотински кои беа пренесени во Соборниот храм. Неговите мошти ќе останат во Соборниот храм, а ќе бидат пренесени во црквата „Св.Константин и Елена” во центарот на Скопје кога ќе заврши нејзината изградба. Денешниот датум на официјалната канонизација ќе биде впишан во календарот на МПЦ.

Јоаникиј Ракотински, македонски архимандрит, учител, лекар и православен свештеник, бил роден во Охрид во 1839 година, а се упокоил на 24 јануари 1940 година во скопското село Ракотинци.

уредник

Related Posts

Денеска е Трето наоѓање на главата на Свети Јован Крстител

Коментарите се исклучени на Денеска е Трето наоѓање на главата на Свети Јован Крстител

Мајката Божја на сон молела Београѓанец да ја врати иконата во Битола од каде што била украдена

Коментарите се исклучени на Мајката Божја на сон молела Београѓанец да ја врати иконата во Битола од каде што била украдена

Фото на денот:Црква „Св. Ѓорѓи“ – манастирска црква која се наоѓа во близина на битолското село Крстоар

Коментарите се исклучени на Фото на денот:Црква „Св. Ѓорѓи“ – манастирска црква која се наоѓа во близина на битолското село Крстоар

Create Account



Log In Your Account