Судењето за грабежот во Тутунска банка ќе биде во понеделник

Share Button

Судскиот процес за најголемиот грабеж на пари од сефот на НЛБ Тутунска банка, е закажан за в понеделник 2 октомври, откако претходно по барање на одбраната беше одложено. Осумтемина обвинети се осомничени за кражба на 2.400.000 швајцарски франци и 645.000 евра од сефот на банка. Минатото одложување беше второ по ред, откако првото закажано рочиште кое требаше да се одржи на 31-ви август, беше одложено поради тоа што истражниот затвор во Шутка немаше услови да спроведе тројца од обвинетите. Основното јавно обвинителство по спроведување на истрага во јуни поднесе обвиненија против 8 лица.

Според обвинението од 31 март до 8 април годинава првите четворица обвинети, со умисла и во повеќе временски поврзани дејствија искористувајќи ја својата работна позиција, украле 400.000 швајцарски франци и 375.000 евра. На 10 април се украдени два милиона швајцарски франци и 270.000 евра, за што беше уапсен првообвинетиот, вработен во трезорот, Бобан Смилевски.

Напишете коментар