Од 24 приведени за злоупотреби на субвенции,притвор е побаран за седум

Share Button

Од вкупно приведени дваесет и четири лица за злоупотреба  на субвенции за седуммина однив е побаран притвор. Лица се приведени во денешната акција на МВР и Основното јавно обвинителство за гонење на организиран криминал и корупција, поради сомнение дека направиле злоупотреба на службена положба при склучување договори за закуп на земјоделско земјиште и исплата на субвенции, оштетувајќи го Буџетот на РМ за 220.000 евра.

Надлежниот јавен обвинител до судијата за претходна постапка при Основниот суд Скопје 1 поднесе предлог за определување мерка притвор против седум осомничени лица.

Како што објави ЈОРМ, меѓу осомничените се 15 службени лица вработени во Министерството за земјоделство, шумарство и водостопанство и подрачните единици на ова министерство, а останатите осомничени се физички лица и одговорни лица во правни субјекти во приватна сопственост.

Според ЈОРМ, во периодот од 2011 година до 2016 година осомничените службени лица ја искористиле својата службена положба или овластување и ги пречекориле границите на своите службени овластувања при склучување и раскинување на договори за закуп на земјоделско земјиште. При преземањето на незаконитите дејствија биле помогнати од останатите осомничени лица. Во исто време, одобрувале исплата по Програмата за финансиска подршка во земјоделството – субвенции, на кој начин прибавиле корист за повеќе правни и физички лица на штета на Буџетот на Република Македонија.

уредник

Related Posts

Утре протест на Млади за Македонија! МВР со апел за воздржување од насилство за време на протестот

Коментарите се исклучени на Утре протест на Млади за Македонија! МВР со апел за воздржување од насилство за време на протестот

Create Account



Log In Your Account