Македонија го празнува 11 Октомври – Денот на антифашистичкото востание

Share Button

Македонија денеска одбележува 76 години од почетокот на антифашистичкото востание и народноослободителната војна. Востанието почна на 11 октомври 1941 година со нападот на Првиот прилепски партизански одред врз бугарскиот полициски участок, а следниот ден, на 12 октомври, оружјето го кренаа и партизаните од Кумановскиот одред.

Osloboditeli na Skopje spomenik

Со тоа Македонија се приклучи на антифашистичката коалиција, а по четиригодишната Светска војна, со одлуките на Првото заседание на АСНОМ во 1944 година, го реализираше и повеќевековниот сон за основање македонска држава.

Празникот ќе биде одбележан со повеќе настани организирани од Собранието, Владата, Сојузот на борците и од општините Прилеп и Куманово.

Централниот настан ќе се одржи претпладне пред Споменикот на ослободителите на град Скопје, во дворот на Владата. Венци со цвеќе пред споменикот ќе положат делегации на Сојузот на борците предводена од Никола Стојановски, на Владата предводена од премиерот Зоран Заев, на Собранието предводена од пратениците Јулиана Николова и Диме Велковски, делегација на АРМ предводена од заменик началникот на Генералштабот, генерал-мајор Мухамет Рацај, како и други делегации на државните институции и од дипломатскиот кор.

Предвидени се и кратки обраќања на Стојановски, Заев и Рацај, како и настап на Воениот оркестар на АРМ.

Владини и собраниски делегации ќе положат цвеќе и пред спомен-обележјата во Прилеп и Куманово. Владината делегација во Прилеп ќе ја предводат вицепремиерката и министер за одбрана Радмила Шекеринска и министерот за транспорт и врски Горан Сугарески, а собраниската, пратениците Кети Смилеска и Хари Локвенец. Тие ќе положат цвеќе пред спомениците на Методија Андонов Ченто и Кузман Јосифовски Питу, како и на спомен-обележјето Могила на непобедените.

Кај Спомен-костурницата во Куманово владината делегација ќе ја предводи вицепремиерот и министер за внатрешни работи, Оливер Спасовски, а собраниската пратеникот Мирослав Јовановиќ.

Напладне, во Собранието на Република Македонија, традиционално ќе биде врачена државната награда „11 Октомври“. Годинашни лауреати се музичарот Влатко Стефановски, кој ќе ја добие наградата за животно дело во областа на културата и уметноста, и историчарот проф. д-р Амет Шериф, кому наградата „11 Октомври“ му се доделува за животно дело во областа на науката и образованието.

уредник

Related Posts

ВО ГЕВГЕЛИСКО УЧИЛИШТЕ ДИРЕКТОР ПЛАТАТА СИ ЈА ЗГОЛЕМИЛ САМ

Коментарите се исклучени на ВО ГЕВГЕЛИСКО УЧИЛИШТЕ ДИРЕКТОР ПЛАТАТА СИ ЈА ЗГОЛЕМИЛ САМ

Заев: Законот за јазиците ја доби поддршката од мнозинството граѓани на избори

Коментарите се исклучени на Заев: Законот за јазиците ја доби поддршката од мнозинството граѓани на избори

Дедото на Тамара доби условна казна за нелегално поседување оружје

Коментарите се исклучени на Дедото на Тамара доби условна казна за нелегално поседување оружје

АПЕЛ ЗА ПОМОШ НА 50 ГОДИШНА ЖЕНА И РАК И ТУМОР И ВЕШТАЧКО КОЛЕНО СЕ ДВИЖИ СО ПОМОШ НА ПАТЕРИЦА

Коментарите се исклучени на АПЕЛ ЗА ПОМОШ НА 50 ГОДИШНА ЖЕНА И РАК И ТУМОР И ВЕШТАЧКО КОЛЕНО СЕ ДВИЖИ СО ПОМОШ НА ПАТЕРИЦА

Create Account



Log In Your Account