Камерниот хор “Мелодиум” успешно се претстави пред Солунчани

Share Button

Камерниот хор “Мелодиум”  со посредство на нашиот конзулат во Солун и конзулката Маја Апостолова, по втор пат, успешно, се претставија пред Солунчани.

Со бројни аплаузи и овации беше награден камерниот хор “Мелодиум” на осмиот Меѓународен фестивал за филхармониски хорови и оркестри, кој на 18-19 ноември 2017 се одржа во преполната сала на операта во Солун, Р.Грција

На овогодинешниот фестивал учество зедоа 52 хорови и оркестри од повеќе земји.

Главната причина за „влез“ на хорот „Мелодиум“ на овој голем и препознатлив европски фестивал беше исклучително успешниот настап на Меѓународниот фестивал на мјузикли во Солун во април 2017.

Камерниот хор “Мелодиум” е формиран во 2012 година од проф.Марина Коруновска, која веќе 12 години е раководител на детскиот хор “Ѕвончиња”. Со формирањето на хорот „Мелодиум“ се пополни вакум просторот од недостатокот на младински камерен хор во југозападниот регион на Р.Македонија, така што овој хор е единствен од ваков тип на овој простор во нашата земја. Хорот го сочинуваат членови од неколку градови: Битола, Ресен и Прилеп, со тенденција да се проширува со нови членови и од другите градови од југозападниот регион.

Камерниот хор “Мелодиум” од своето формирање па до денес има учествувано на концерти во повеќе држави: Р.Србија, Р.Словенија, Р.Грција, Р.Бугарија и секако во повеќе градови во Р.Македонија.

Поради атрактивниот репертоар и успешноста на бројните меѓународни настапи, хорот овој пат доби покана за учество на фестивал во Атина, мај 2018 година, додека во јуни 2018 му претстои концерт во Виена.

 

уредник

Related Posts

Бочварски постојано помеѓу своите сограѓани

Коментарите се исклучени на Бочварски постојано помеѓу своите сограѓани

Се поместуваат ли се уште плочките низ Широк сокак при движење? Жена се засопна и падна

Коментарите се исклучени на Се поместуваат ли се уште плочките низ Широк сокак при движење? Жена се засопна и падна

Информација за состојбата во Охридско-струшкиот регион

Коментарите се исклучени на Информација за состојбата во Охридско-струшкиот регион

Create Account



Log In Your Account