Апелацискиот суд денеска ќе одлучува дали видеоснимките на Јутјуб за „Поткуп“ може да бидат доказ

Апелацискиот суд Скопје денеска треба да одржи седница на која ќе одлучува дали снимките од посебните истражни мерки објавени на Јутjуб можат да бидат доказ во случајот „Поткуп”
Апелацискиот суд денеска ќе одлучува дали видеоснимките на Јутјуб за „Поткуп“ може да бидат доказ

Адвокатите на првообвинетиот во овој случај Зоран Заев побараа од Основниот суд Скопје 1 оваа снимка да се издвои од доказите, бидејќи беше објавена на неколку медиуми, а се работи за тајна снимка. Судот го одби нивното барање по што поднесоа жалба до Апелцискиот суд.

На денешната јавна седница на Апелацискиот суд во Скопје адвокатскиот тим на Заев ќе треба да ги образложат фактите зошто  бараат снимките објавени на Јутјуб кои се дел од постапката за случајот „Поткуп“ да не се прифатат како доказ.

Заев во „Поткуп“ е обвинет дека како градоначалник на Струмица, побарал поткуп од струмички бизнисмен Иван Николов, во вредност од околу 160 илјади евра за градежно земјиште во Струмица.

Следното судско рочиште за „Поткуп“ во Кривичниот суд е закажано за 25 декември.

Напишете коментар