Груевски прв пристигнува а последен си заминува од протестите

Share Button

Овојпат рамо до рамо со граѓаните, лидерот на ВМРО – ДПМНЕ, Никола Груевски е редовно на протестите кои ги најави партијата. Блокада на крстосници секој ден од 15 – 17 часот а во 18 протест се мерките кои опозицијата ги најави и ги реализира за да искаже револт за уапсените за кои и Груевски во име на партијата побара итно да бидат ослободени

Лидерот на ВМРО-ДПМНЕ Никола Груевски и вечерва присуствуваше на протестот пред Кривичниот суд Скопје, против приведувањата пратеници и други лица за учество во настаните во Собранието од 27 април годинава.

Тој заедно со граѓаните ги слушна пораките кои ги упатија говорниците на протестот пред Судот.

Системот е злоупотребен, обвинувањата лажни, а апсењата политички. Ова го порача опозициската ВМРО-ДПМНЕ пред граѓаните и членството вечерва на едночасовниот простест пред кривичниот суд во Скопје.

Додека траеше протестот цело време се пушташе музика, а насобраниот народ ја блокираше улицата.

„Децата и внуците на црвената буржоазија се ситат и се радуваат на апсењето на нашите патриоти.“ – изјави Александар Нацев.

„Добровечер, Македончишта. Се собравме на дожд, од кој ќе порасне слободарскиот дух и отпорот на Македонија.“ – изјави Оливер Андонов.

 

Груевски присуствуваше и на вчерашниот протест пред Министерството за правда.И за утре има најави за блокади и протест во Скопје.

 

С.Анеска

Напишете коментар