Кој ќе го замени Груевски?

Можеби имаше обиди и претходно, но по јавното обелоденување дека лидерот на ВМРО-ДПМНЕ, Никола Груевски размислува за оставка, од партијата велат дека се мобилизираа амбициозните членови и лоби групите за преземање на партиското кормило. Внатрешни извори посочуваат на три групи кои се гледаат на врвот.

Првата група стои зад ексминистерот за надворешни работи и амбасадор во Брисел, Никола Попоски. За него се вели дека ќе ја има поддршката од меѓународниот фактор,  од Албанците пред чија заедница нема темно петно, од интелектуалната и урбана средина во Македонија.

Втората група се залага на лидерското место да застане Христијан Мицковски, помалку познат вон партијата, но близок до Никола Груевски . Преминат од ЛДП, тој не е близок до базата, и малку се очекува да наиде на поддршка од меѓународниот фактор.

Во третата група, како можни кандидати за кормилото на ВМРО ДПМНЕ се спомнуваат Антонио Милошовски, Влатко Ѓорчев и Илија Димовски. Секој од нив има влијание во одделни делови од земјата, Милошоски во петтата изборна единица, Кичево , Битола и околината, Ѓорчев во источна а Димовски во Централна Македонија.

Напишете коментар