Не оптеретувајте ги децата со проблеми на возрасните

Share Button

Децата сакаат да бидат во друштво на позитивни и насмеани луѓе, а од мрачните личности се плашат и бегаат. Истражувањата покажуваат дека ако децата растат во негативно окружување и самите тие стануваат песимисти бидејќи пред сè – тие се угледуваат на родителите, бабите и дедовците, а дури потоа на учителките и врсниците.

Доколку сте уморни и секојдневно им приредувате негативни “сцени” наместо ведри лица, таков модел и тие сами ќе усвојат. Поради тоа важно е да им бидете позитивен пример, дури и тогаш кога ви е многу тешко.

* Нека ја паметат вашата насмевка секој ден додека ги будите и ги испраќате на училиште.

* Не дозволувајте да ги растажат ситници. Објаснете им дека ништо не е црно-бело, туку дека во се постои трошка убавина и причина за насмевка.

* Кога ќе се вратат од играње или од училиште, прашајте ги прво што убаво им се случило, наместо веднаш да ги “нападнете” со прашања дали биде умни.

* Нека бидат во окружување на позитивни луѓе, бидејќи тоа добро ќе се одрази на нив и ќе влијае во формирањето на оптимистичкиот поглед на животот.

* Ако се тажни, утешете ги и објаснете им дека утре е нов ден и нова шанса за насмевка.

Напишете коментар