Облачно и врнежливо, утре снег

Share Button

Времето денеска претпладне ќе биде сончево со мала до умерена облачност, а ќе дува засилен јужен ветер. Попладне во западните делови ќе започнат врнежи од дожд. Кон крајот на денот и ноќта кон недела врнежите ќе се прошират во поголемиот дел од земјава, а на повисоките места и планините ќе поминуваат во снег.

Во Скопје максималната дневна температура ќе достигне до 10 Целзиусови степени, Крива Паланка 8, Берово 7, Кавадарци 12, Битола 10, Охрид 9, Маврово 3, Дојран 14…

Утре во западните и северните делови од земјата ќе има повремени слаби врнежи од снег, а границата на снежните врнежи се очекува да се спушти и до 500 м.н.в. Попладне облачноста ќе се намалува. Дневните температури ќе се движат од 3 до 10 степени.

Во понеделник и вторник ќе имаме сончево време со мала до умерена облачност и со умерен северозападен и јужен ветер.Дневните температури ќе се движат од 6 до 16 степени.

Напишете коментар