Приведени во Охрид во врска со вчерашниот оружен инцидент

Share Button

Две лица се приведени, полицијата сеуште трага по сторителот кој вчера на сред бел ден пукаше и  рани 34 годишен охриѓанец на Булевар Туристичка.  Од Секторот за внатрешни работи информираат дека двајцата приведени биле сослушани вчера околу 17 часот, а се лишени од слобода поради сомнение дека во критичниот момент биле заедно со сторителот и учествувале  во инцидентот.

 

Сепак главниот осомничен е трет засега непознат човек кој  откако испукал неколку куршуми кон  сега ранетиот С.М,  со патничко возило на швајцарски регистарски таблички избегал во непознат правец.По него е покрената потрага, под сомнение дека извршил кривично дело убиство во обид.

„Сторителот извадил огнено оружје пиштол и испукал кон сега повредениот охриѓанец. Тој се здобил со тешки телесни повреди, поточно со прострелна рана  во пределот на десната потколеница. Итно е пренесен во болницата Св. Еразмо од Охрид каде што му е укажана неопходна медицинска помош, а потоа е префрлен на клиниките во Скопје “, вели Стефан Димоски -портпарол СВР Охрид.

На вооружената пресметка и претстоела жестока расправа меѓу сторителот и сега ранетиот С.М. откако двајцата се сретнале на булеварот Туристичка каде и се случи инцидентот. Причината засега е сеуште непозната.

Напишете коментар