Утре е свети пророк Авакум

Утре е свети пророк Авакум

Утре е свети пророк Авакум

Share Button

Утре православните христијани ќе го одбележат празникот посветен на светиот пророк Авакум. Житието на овој пророк е следно

Син Асафатов, од племето Симеоново. Пророкуваше 600 години пред Христа, за време на царот Манасија. Му прорече опустошување на Ерусалим. Кога вавилонскиот цар Навуходоносор удри на Ерусалим, Авакум се засолни во Исмаилќанската земја, откаде што потоа повторно се врати и живееше како земјоделец. Еден ден им носеше ручек на работниците на нива, кога одеднаш му се јави ангел Господов и му рече: „Однеси го ручекот што го имаш во Вавилон кај Даниил во јамата лавовска.“
А Авакум му рече: „Господи, Вавилон не сум го видел и јамата не знам каде е “ (Даниил 14 – 33). Тогаш ангелот го зеде за косата и моментално го пренесе во Вавилон, на огромна далечина, кај лавовската јама во којашто беше фрлен Даниил од царот Кир, за казна дека не им се поклони на идолите. „Данииле, Данииле, прими го ручекот што ти го праќа Бог!“, возвикна Авакум.
И Даниил прими и јадеше. Потоа ангелот Божји повторно го зеде Авакум и го пренесе во Јудеја, на неговата нива. Авакум пророкуваше за ослободувањето на Ерусалим и за времето Христово. Се упокои во длабока старост, а закопан е во местото Кела.
Моштите му ги открија во времето на царот Теодосиј Велики.
Исто така утре се прославуваат и  Светата маченичка Миропија; Преподобен Атанасиј, затворник печерски; Свети Иса, епископ Циклански

уредник

Related Posts

Во чест на утрешниот празник. Свети Атанасиј, Журчевскиот манастир!

Коментарите се исклучени на Во чест на утрешниот празник. Свети Атанасиј, Журчевскиот манастир!

Параклис св Недела во црквата св Недела во Битола

Коментарите се исклучени на Параклис св Недела во црквата св Недела во Битола

Create Account



Log In Your Account