„Од денеска сум пратеник од својата партија, Сојузот на Ромите и не сум веќе со ВМРО, вели Амди Бајрам

Пратеникот од Сојузот на Роми, Амди Бајрам, за НОВА потврди дека од денеска во Собранието ќе делува како пратеник на Сојузот на Ромите и дека повеќе не е дел од коалицијата предводена од ВМРО-ДПМНЕ.

Сепак Бајрам, кој е еден од пратениците со најдолг стаж во Собранието, не сака да коментира зошто прекинал да соработува со опозицијата.

„Од денеска сум пратеник од својата партија, Сојузот на Ромите и не сум веќе со ВМРО. Немам коментар зошто излегувам од коалицијата. Ќе гласам за се што е во интерес на македонските граѓани и за ромската заедница, без разлика од која партија доаѓаат предлозите“, вели Амди Бајрам за НОВА.

Одговарајќи на прашањето дали е можно да се приклучи во владејачкото мнозинство или во извршната власт, пратеникот Бајрам вели со никого не преговарал и дека ќе си остане пратеник кој ќе работи за доброто за Македонија и граѓаните.

Напишете коментар