Поскапуваат бензините и дизелот

Од ноќеска на полноќ се зголемуваат малопродажните цени на бензините и на дизелот за половина денар, додека цената на екстра лесното масло за домаќинство се зголемува за еден денар, соопшти Регулаторната комисија за енергетика.

Според одлуката, новата цена на Еуросупер БС-95 ќе изнесува 66,50 денари, на Еуросупер БС-98 ќе изнесува 68 денари за литар, на Еуродизелот 55 денари и екстра лесното ќе се продава по 44 денари за литар.

Се зголемува и цената на мазутот, која ќе изнесува 28,6 денари за килограм.

Просечната цена на суровата нафта на светскиот пазар во изминатите 14 дена изнесуваше 64 долари за барел, а курсот на доларот изнесуваше 52,16 денари.

Напишете коментар