Ако новогодишните забави се еднаш во годината, па зарем не е еднаш во годината и Божиќ, Рождеството Христово?

ЗА ,,НЕВИНИТЕ” ИСКУШЕНИЈА ВО КОИ ЛЕСНО ПАЃАМЕ

Многумина се тие кои велат: јас верувам во Бога, јас сум Христијанин!
Но, бадијала не е речено ,, по делата ќе те познаам”

Време на пост! Како што Мојсеј 40 дена постеше и Бог му го даде словото (Десетте Божји заповеди) на камен запишани, така и за нас е одреден пост за Бог да ни Го даде Словото, но не на камен , туку овоплотено, родено од Дева. Постиме за во радост да го прославиме Раѓањето христово.

Но, како постиме или колку постиме ?
Во време на пост кафеаните, кафичи, дискотеки полни со луѓе. Дочеци на најлудата ноќ,
А колку се за жалење сите тие накитени дочеци, тешко е да се свати.

Започнуваат гламурозно со свеќи , тивка музика, црвен килим, дами скоцкани, штикла, шминка и фризура беспрекорни, џентлмени во одело со кравати…. и само после кратко време, маските се фрлаат….. започнува она вистинското, екстра турбо фолк, скара,алкохол, размачкана шминка, развлечени кравати … блуд и разврат……и ноќта завршува со ,,пијане будале” на токсикологија.

А тие кои го претпочитаат тој начин на живот, кога би ги прашале зошто така, тие одговараат дека еднаш во годината е таа ноќ, па да си угодиме малку на душичката (всушност, мислат на телото, зашто душата не е од овој свет и нејзе не и` е тоа угодно, но тие тоа не го знаат, зашто поради страстите, потребите на душата се потиснати позади потребите на телото).

Браќа и сестри, зарем не правеле така и жителите на Содом и Гомор?
А знаете ли што им се случи кога поради таквото однесување на себе го навлекоа гневот Божји?

Ако си служиме себе си, му служиме на мамона. Токму и заради тоа Бог ја направи таа разлика велејќи дека не може човек да му служи и на Бога и на Мамона. Не можеме да ја исполнуваме нашата волја и Божјата волја истовремено.
Ако новогодишните забави се еднаш во годината, па зарем не е еднаш во годината и Божиќ, Рождеството Христово, Оној за кого мудреците патуваа од Египет за да Му се поклонат и да му донесат дарови како на Цар.

Треба да се запрашаме колку време сме одвоиле за Оној кој не` создал, Оној кој не` чува и кој ни помага во се` и што исполнивме од Неговите заповеди.

Да внимаваме, браќа и сестри,да не Го гневиме Бога за да не биде доцна за покајание.

Православие мк

Напишете коментар