Православната Црква денес го празнува споменот на Светите четиринаест илјади младенци во Витлеем

Православната Црква денес го празнува споменот на Светите четиринаест илјади младенци во Витлеем

Православната Црква денес го празнува споменот на Светите четиринаест илјади младенци во Витлеем

Share Button

Бидејќи Мудреците од исток не се вратија од Витлеем во Јерусалим за да му јават на Ирод за новородениот Цар, туку на заповед од ангел по друг пат заминаа за својата татковина, царот Ирод се разјари како лута ѕверка и нареди да се убијат сите деца на возраст до две години во Витлеем и во сета витлеемска околија. Оваа страшна царска заповед беше извршена буквално. Неговите војници некои деца ги убија со меч, други ги разбиваа врз камења, трети ги гмечеа со нозе, четврти со рацете ги задавија. И се крена плач и лелек на мајките до небесата; пискот и горко плачење, „Рахил плаче за своите деца и не сака да се утеши за нив, зашто ги нема“, како што е и пророкувано (Еремија 31, 15; Матеј 2, 18).

Ова злосторство над многубројните невини деца се изврши една година по раѓањето на Исус Христос, на 29 декември. За ова време Ирод трагаше за да Го пронајде Божествениот Младенец. Му го бараше на Захарија син му Јован, се разбира за да го убие, зашто мислеше дека Јован е тој нов Цар. Па бидејќи Захарија не го даде Јован, по наредба на Ирод самиот Захарија го убија во храмот. Ќе го убиеја и Св. Симеон Богопримец, ако после Сретение не се упокоеше во Господа. Откако ги уби витлеемските деца Ирод, се наврте на еврејските старешини коишто му толкуваа каде треба да се роди Месијата. Го уби првосвештеникот Иркан и други седумдесет старци од Синедрионот.

Така зло завршија и оние коишто се согласуваа со Ирод дека новиот Цар Младенец треба да биде убиен. Потоа ги уби своите – брат му, сестра му и жена му и тројцата свои синови. Најпосле и него го постигна Божја казна: почна сиот да се тресе, нозете му потекоа, долниот дел од телото му загнои, а од гнојот потекоа црви, носот му се затвори и од него се ширеше неподнослива смрдеа.

Пред да издивне се сети дека во затворот има многумина Евреи коишто би се израдувале на неговата смрт, па заради тоа нареди сите да ги убијат.

Така ја испушти својата нечовечна душа овој грозен владетел и им ја предаде во вечна сопственост на демоните.

уредник

Related Posts

Денес е Собор на свети Јован Предвесник и Крстител

Коментарите се исклучени на Денес е Собор на свети Јован Предвесник и Крстител

Радувај се во Господа, прославен граду Битола!

Коментарите се исклучени на Радувај се во Господа, прославен граду Битола!

(фото)Црква Свети Пантелејмон во Битола

Коментарите се исклучени на (фото)Црква Свети Пантелејмон во Битола

Create Account



Log In Your Account