Со “Голф” паднал во Маркова река

Откако со автомобил Голф паднал во Маркова река возачот кој има само 21 година си ја скршил клучната коска.

21-годишниот Р.Ш. од скопското село Батинци се здобил со фрактура на левата клучна коска, откако „голфот“ со кој управувал завршил во Маркова река.

Според полицијата настанот се случил вчера на пладне. Возилото излетало од патот и паднало во реката.

Р.Ш, бил пренесен во Градската општа болница “Свети Наум Охридски“ каде му е укажана лекарска помош. Од МВР додаваат дека увид на местото на настанот извршила увидна екипа од СВР-Скопје. Се работи на целосно расчистување на случајот.