Вчера отворен ден на АРМ на плоштадот „Македонија“- фотогалерија и видео на новост.мк

Share Button

Со изведба на точката „Егзецир“ на гардата на АРМ и боречките вештини на армиските специјалци вчера на плоштадот Македонија во Скопје, со почеток во 12 часот Министерството за одбрана и Армијата на Република Македонија организираа отворен ден со граѓаните на Република Македонија насловен „АРМ со вас“.

Граѓаните  имаа можност да го слушнат и Воениот оркестар, а како дел од настанот ќе беа претставени и оклопни возила на Армијата. на плоштадот беа поставени и  штандови на кои сите граѓани имаа можност да се информираат за воената професија и огласот за прием на професионални војници кој е во тек. Пред граѓаните  се претстави и Воената академија, Центарот за обука на пилоти и Регионалниот центар за односи со јавноста, кој е единствен НАТО центар во Република Македонија.

 

Целта на отворениот настан, според Министерството, е граѓаните одблиску да се запознаат со својата Армија и нејзините капацитети и да се информираат за воената професија и јавниот оглас за прием на професионални војници кој е во тек

подготви:Снежана Анеска

фото+видео:новост.мк