ТВ „Шења“: Во престрелката во Мала Речица убиен е кумановецот Наип Реџепи

Според информациите кои ги објави македонската телевизија на албански јазик, „Шења“, во вооружената престрелка во тетовска Мала Речица која се случи вечерва убиен е Наип Реџепи од Куманово.

Претходно, од МВР за „Макфакс“ потврдија дека околу 18 часот и 20 минути на улицата 167 во Мала Речица дошло до вооружен инцидент во кој две лица биле повредени од огнено оружје и поради сериозноста на повредите, веднаш биле префрлени во тетовската болница.

Неофицијално и второто повредено лице е од Куманово. Според информациите, дошло до расправија меѓу две групи непознати лица кои биле во два различни автомобили, по што застанале на улица и со оружје се судриле едни со други.

Медиумите на албански јазик пишуваат дека двата табора биле ривалски кумановски групи на ДУИ. Партијата, пак, преку соопштение вечерва демантираше дека има некаква врска со инцидентот