Во манастирот „Свети Георгиј Победоносец“ во Рајчица се одбележа празникот

Во присуство на голем број верници а помеѓу нив и битолчани во манастирот кај Рајчица, Свети Георгиј Победоносец се одбележа празникот.

Со денешната света архиерејска литургија чиноначалствуваше Архимандрит Партениј, игумен на Бигорскиот манастир, во сослжужение со Бигорското братство и сестринството од манастирот во Рајчица.

 

На синоќешната вечерна богослужба, со која чиноначалствуваше митрополит дебарско-кичевски, неговото Вископреосвештенство, г. Тимотеј, сестра Серафина ги положи монашките завети и беше причислена кон монашкиот собор. Во манастирот сега има осум монахињи, а периодов во него има и три искушенички.