Прилеп: Интернет пријателство завршило со тупаници на првата средба оти девојката не сакала секс !

Share Button

Велешанка имала жестока прва средба со прилепчанец кого го запознала на социјалните мрежи. Наместо љубов по пријателството кое пламнало на интернет, таа за малку можела и дa настрада по крвничкиот напад кој тој го извршил врз неа на нивната прва средба.

Таа едвај се спасила од налетот и тупаниците на четири години постар прилепчанец, со кого вчера била на претходно договорена средба во Велес.

Двајцата се спријателиле преку интернет, па се договориле да се сретнат во ресторанот на еден велешки хотел. Потоа со возилото на прилепчанецот, тие заминале во близина на спомен костурницата. Тука тој почнал да ја убедува на сексуален однос, но девојката одбивала.

Сфаќајќи дека нема да го добие тоа што го смислило, 31 годишното момче почнало крвнички да ја тепа девојката. Од ударите таа се онесвестила, а прилепчанецот ја одвезол до градот и во близина на велешката гимназија ја оставил на патот.