ЕКСКЛУЗИВНО ИНТЕРВЈУ СО БАЛКАНСКИОТ ШАМПИОН ЗА БЏЏ, ФИЛИП БОЖИНОВСКИ ОД НИНЏУЦУ КЛУБ БИТОЛА

Share Button

НОВОСТ:Да се осврнеме на твоите почетоци, каде и што започна да тренираш и кога?Од каде толку силен мотив за денес да си Балкански првак?

ФИЛИП БОЖИНОВСКИ:Прв пат започнав да тренирам Нинџуцу во НК Битола пред 5 години на 14 годишна возраст.Мотив за боречки вештини добив од мојата сестра која започна пред мене со тренинг и ме воведе во овај свет.Таа исто беше Балкански апсолутен шампион во Бразилска Џиуџицу во сите појаси и категории во Србија и Подгорица

НОВОСТ:Низ твојата спортска кариера досега што се си тренирал?

ФИЛИП БОЖИНОВСКИ: Досега сум тренирал модерен систем на Нинџуцу кој многу наликува на Крав Мага и слични борбени реални системи и Бразилска Џиуџицу и ММА

НОВОСТ:Каде си учествувал и кои постигнувања би ги издвоил , кои се твоите досегашни успеси во боречките спортови?

ФИЛИП БОЖИНОВСКИ: Сум учествувал на боречки турнири за БЏЏ и ММА на аматерско и професионално ниво како на државни првенства така и на меѓународни и професионални турнири.Сите ми се значајни.

НОВОСТ:Учествуваше и на турниот кој се одржа во Охрид за Бразилска Џиуџицу во конкуренција со школи од Македонија, Црна Гора, Албанија и Бугарија оствари одличен успех и постана апсолутен балкански првак во ( blue belt division open class ) и балкански првак во категорија -76 кг плави напредни појаси, какво беше чувството да се потигне овој успех? Што ова значи за тебе?

ФИЛИП БОЖИНОВСКИ:Чуството беше одлично и ми претставува само мотив за уште поголеми успеси во иднина на повисоко ниво

НОВОСТ:Предходно на државното ММА првенство беше државен првак до 77 кг во ММА, кој ти беше противник?

ФИЛИП БОЖИНОВСКИ:Точно.Бев државен првак на 77 кг. каде до злато имав две борби и две победи на зафат ( гушење) со противници од Скопје и Кавадарци

НОВОСТ:На државното Џиуџицу првенство беше државен првак во борби и државен првак во Ne Waza, дали и ова е едно од твоите постигнувања кои те мотивираат да и понатаму бидеш уште поуспешен?

ФИЛИП БОЖИНОВСКИ:Секако дека ми се мотивација за поголеми успеси и промоција на боречките спортови и вештини кои ги работиме со мојот тим од НКБ

НОВОСТ:Сега си помошник инструктор во Нинџуцу Клуб Битола, според тебе што е потребно за да се стане член на овој професионален клуб?

ФИЛИП БОЖИНОВСКИ:Да се биде член од нашата академија е бенефит за секој од повеќе погледи и секој е добредојден што сака вистински квалитетен тренинг

НОВОСТ:Идни твои планови, ќе следуваат ли натпревари и каде?

ФИЛИП БОЖИНОВСКИ:Следно што ни е во план е камп во Германија во професионални школи со мојот инструктор и некој од членовите , па здравје боже до крај на 2018 ме очекуваат најмалку 2-3 БЏЏ турнири од меѓународен тип и ако успееме да договориме да одработам една професионална ММА борба

НОВОСТ:Твое мото во спортската кариера?

ФИЛИП БОЖИНОВСКИ:Упорност и издржливост се едни од двата зборови кои ни се вртат во глава кога е најтешко во клубот

НОВОСТ:И за крај ,јавноста веќе те знае дека си професионалец, дали ќе ни откриеш кој од боречките спортови ти е посебно омилен?

ФИЛИП БОЖИНОВСКИ:За мене најомилен боречки спорт е ММА каде планирам за неколку години после црпење длабоко искуство од БЏЏ и Ryu Ha Macedonian Ninjutsu да се насочам уште посериозно и да изградам кариера од која ќе егзистирам

(забрането превземање без претходна дозвола од Новост.мк)

Новост.мк се заблагодарува за интервјуто и на младиот битолчанец Филип Божиновски од НКБ му посакуваме многу идни успеси!