“Нинџуцу Клуб” Битола:Сработеното во детали за 2017-18, 63 медали од нив 32 златни!Најавуваат уште поголеми успеси

Share Button
Официјални статистики за наши сработени проекти за сезоната Септември 2017/ Мај 2018.Академијата за боречки вештини и спортови имаше напорна сезона со учество на 9 турнири за боречки спортови и тоа за Бразилска Џиуџицу, ММА, Џиуџицу ( Јапонска Џиуџица), Кикбокс , беше организатор на неколку семинари во клуб со гости од страна и од македонски школи , се посетуваа и семинари на страна во други школи од кои најзначаен може да се истакне семинарот со Родолфо Виеира за Бразилска Џиуџицу во Минхен (Pound for Pound Akademy).

Се одржаа и еднодневни тренинзи во природа за Нинџуцу.Во делот на Ryu Ha M.Ninjutsu се доделија два напредни појаси и тоа зелен и кафен кои ќе допринесат за идни генерации воини .Во делот за BJJ беа доделени седум напредни појаси и тоа четири плави во сениорската група и три жолти во кадетска и детска група кои донесоја многу медали за нашата академија и ја претставуваа во одлично светло.Од сите боречки турнири за оваа сезона каде на некои учествувавме со 2 ца борци на некои со 11-12 борци успеавме да донесеме во нашата академија 63 медали од кои 32 златни /19 сребрени /12 бронзени.( Веќе следна сезона барем 9 од сребрените се надеваме ќе ги префрлеме во златни  )

Во изборот на спортисти на град Битола имавме тројца добитници на признание од детска група и еден сениор.За вкупно 5 пехари плус стана побогата нашата академија.Имавме добри моменти по кои ќе се сеќаваме , лоши моменти од кои извлековме поука и ќе ги фрлеме во заборав, дружба, патувања, нови искуства и знаења.Летово остануваат летните Hitori Keiko тренинзи и по некој семинар и посета на странски школи и семинари во Германија па здравје боже од септември нова сезона со многу наши проекти , тренинзи, искуства и градење фамилија која ќе допринесе многу за развој и популаризација на боречкиот свет како еден начин на живот кој нуди многу бенефити од различен аспект.Голема благодарност на сите спонзори, фанови, подржувачи на клубот кои беа со нас и во добро и во лошо, кои допринесоа за нашата академија да оди напред и расте и се развива .( Луѓе со големо срце без кои нашето опшество не може да биде едно добро место за живеење).


Во иднина ветуваме уште поголеми успеси, посветеност , сериозен пристап па доколку стигнеме и до некоја поголема поткрепа како што е агенција за млади и спорт или некоја друга спортска установа ќе оствариме и поголеми успеси што ќе ја претстават

Македонија во добро светло како земја во која и покрај слабите услови за работа има луѓе кои живеат за боречките вештини и спортови и како амбасадори ќе ја претставуваат насекаде.
Во новата сезона само да напоменеме се најавува и отварање на две секции кои ќе ги работат нашите вештини и спортови во Битола и надвор од Битола.
Се најавуваат семинари со гости од страна, многу турнири за боречки спортови , наши домашни семинари како 24ч/ тренинг и уште многу други проекти па ако даде Господ и професионално доџо со екстра квалитетна опрема и услови за поголеми успеси.Одиме напред.Buffu Ikan.
Osss

Превземено од Фејсбук страницата на Нинџуцу клуб Битола – линк ТУКА