Временска прогноза:До четврток претежно облачно и посвежо време со врнежи од дожд и ретки грмежи

До четврток нашето подрачје ќе биде под влијание на циклонска активност што ќе предизвика претежно облачно и посвежо време со врнежи од дожд и ретки грмежи. Од целиот бран локално се очекува да наврнат и над 75 л/м2 дожд. Утре попладне, во текот на ноќта како и в четврток претпладне врнежите ќе бидат поинтензивни и за кратко време ќе наврне поголема количина на воден талог (околу 50 л/м2 за 6 часа), особено во јужните и југоисточните делови. В петок и сабота времето ќе биде посончево со значителен пораст на дневната температура, но во попладневните часови ќе има локална појава на краткотраен пороен дожд и грмежи.