Гостивар:Полицајци се обиделе да го приведат, ги претепал

Share Button

Гостиварец на возраст од 33 години нападнал и претепал двајца полициски службеници кои се обиделе да го приведат. Едниот од полициските службеници завршил со скршен нос, а другиот се здобил со повреда во пределот на десната потколеница и дланка.

Д.К. (33) од Гостивар при обид да биде приведен од страна на двајца полициски службеници, почнал да дава активен отпор и со тупаница го удрил едниот полициски службеник во пределот на носот, нанесувајќи му фрактура со крварење, а со повреда во пределот на десната потколеница и десната дланка се здобил и другиот полициски службеник.

По кратко време Д.К. бил приведен во полициска станица за понатамошна постапка. По целосното расчистување и документирање на настанот ќе следи соодветен поднесок.