Гордана Јанкулоска доби казна од 6 години затвор во предметот „Тенк“ на СЈО

Share Button

Поранешната министерка за внатрешни работи Гордана Јанкулоска доби казна од 6 години затвор во предметот „Тенк“ на СЈО за набавка на „мерцедесот“. Обвинетата Јанкулоска е виновна  за злоупотреба на службена должност и овластување, рече судијката Добрила Кацарска.

Судијката Добрила Кацарска ја објави пресудата по образложувањето на кривичното дело.

„ Неспорно е дека е набавено патничко моторно возило ‘мерцедес гард‘. Обвинетата Јанкулоска знаела дека се работи за исклучително скапо возило, а заедно со  Ѓоко Поповски преземале дејствија за да му ја исполнат желбата на сега осудениот Никола Груевски. Аудио снимките покажаа дека се бара луксузен пакет на опрема“, рече Кацарска.

Сите технички спецификации укажуваат на фаворизирање на еден економски оператор.

Јанкулоска, како што рече Кацарска, со умисла го поттикнала сега осудениот Поповски да стори кривично дело.

Јанкулоска е обвинета според член 353 став 5 за злоупотреба на службената положба и овластување. Законот предвидува ако делото е сторено при вршење јавни набавки или на штета на средствата од Буџетот на Република Македонија, од јавните фондови или од други средства на државата, сторителот да се казни со затвор најмалку пет години.