Божикна манифестација на 6 јануари пред платото на црквата „Свети Димитриј“ во Скопје

Пред платото на црквата „Свети Димитриј“ во Скопје на 6. јануари 2019 година ќе се одржи голема Божикна манифестација по повод најрадосните и најголемите христијански празници Бадник и Божик. Слоганот на манифестацијата е Да се радуваме и празнуваме!.

По повод одбележувањето на празникот изработена е видео покана. Нашиот познат пејач Димитар Андоновски посетува едно семејство со пет деца и оттаму упатува порака до сите родители и деца, дека без исклучок, сите се поканети на прославата на Бадник и Божик, на која, во духот на празнувањето се е бесплатно.