ОУ „11 Октомври“ од Скопје домаќин на Еко-караванот

Учениците од прво до петто од ОУ „11 Октомври “ од Скопје, денес присуствуваа на еколошкиот час посветен на постапувањето со отпадот, кој што се одржа во подвижната канцеларија на Министерството за животна средина и просторно планирање, т.н. Еко-караван кој беше поставен во дворот на училиштето.

Во настанот присуствуваше и државниот секретар во МЖСПП, Ана Петровска која истакна дека делувањето во развивањето на позитивните навики за постапувањето со отпадот има најголеми резултаи кај децата на оваа возраст, а тоа ќе повеќекратно ќе се врати на општеството. Петровска ги пофали основците-екологисти од ова училиште за нивното успешно учество во акцијата на ПАКОМАК за собирање на ПЕТ пластика во која ова училиште е меѓу првите. Креациите изработени од амбалажа на искористени производи беа изложени во холот на училиштето. Учениците под водство на надлежните наставници ги изработија овие експонати во рамките на одбележувањето на Европската недела за намалување на отпадот. Учениците креатори беа наградени со едукативни материјали и еко-торбички

Присутните на настанот имаа прилика да го проследат и краткото видео на оваа тема, снимено од ученици од 7 одделение, членови на еко-секцијата на училиштето.

Едукативниот час го одржа раководителот на секторот за отпад во МЖСПП, Ана Каранфилова Мазневска, а настанот е организиран од страна на Канцеларијата за комуникација со јавност на МЖСПП, во соработка со ОУ „11 Октомври, Детскиот културен центар Карпош и колективниот постапувач со отпад ПАКОМАК.