Македонец измамил 70 Срби, им ветил работа во Чешка, па ги оставил на улица и без пари

Македонец успеал да доведе во заблуда група од 70 српски работници, кои во петокот се упатиле кон Чешка каде измамникот им ветил работа, но ги оставил на улица премрзнати и без пари, дознава 24 Инфо.

Измамените работници вчера се вратиле во Србија и раскажале како лицето кое се претставувало како Александар Симиќ им понудил вработување во Чешка, но уште пред поаѓање ги оставил на цедило.

При влез во автобусот во Белград, сите патници морле да потпишат согласност за добивање на работа „манипулативен оператор во фабриката Continental Automotive s.r.o Чешка”.

“Изјавувам дека сум запознаен и согласен со наведените услови за ангажирање и работа во фабриката. Услови се следните: сатница 108 czk (4,2 евра), топол оброк 82 czk (3,2 евра) за работа во сабота плус 50 отсто по час, бесплатно сместување, аконтација 50 евра на секои десет дена. При тоа изјавувам дека самиот го плаќам патот од Белград до Чешка со 50 евра “, ја објавила содржина на согласноста една од измамените работници, Душанка Ковачевиќ, пишува” Телеграф “.

Освен 50 евра за превоз, сите патници на Александар му дале уште 100 до 200 динари за осигурување, за да, како што им рекол, избегнат да им бидат прегледувани торбите на граница.
На луѓето им станало чудно сето тоа, па пред да отпатуваат го снимиле Александар како им зема пари. Сепак, откако ги зел парите од сите патници, Александар излегол од автобусот со изговор  дека треба да собере уште двајца, и дека со автомобил ќе вози по нив.

– Автобусот ни се расипа пред границата, па доцневме. Кога стигнавме на граница, Александар не беше таму, рече  Ковачевиќ.

Сепак, автобусот продолжил за Чешка, а на работниците им било кажано дека Александар контактирал со возачите и договорил средба на одредено место во градот Френштат, каде што требало да ја пречека групата од 70 работници на кои им ветил работа. Меѓутоа, кога автобусот дошол на договореното место, Александар не само што не бил таму, туку ги блокирал телефонските броеви на патницитекои не можеле да стапи во контакт со него. Бидејќи возачите по пристигнувањето во Френштат морале да направат задолжителен пауза од девет часови, побарале од патниците да излезат од автобусот. Патниците одбиле да излезат, па возачите ги оставиле внатре и заминале во ресторан.

Потоа следел уште еден шок, кога возачите им рекле дека поради недостаток на пари за гориво не можат да се вратат во Србија, па работниците сфатиле дека немаат каде да ја поминат ноќта.

Кога се вратиле дома разбрале дека Александар Симиќ е, всушност, Македонецот Владимир Г., кој често користи лажни имиња за да ги измами граѓаните и е познат по слични измами.