Битола:Облачно со врнежи од дожд и снег

Времето денеска ќе биде претежно облачно со врнежи од дожд, а на планините и во местата над околу 500 метри надморска височина, со врнежи од снег. Претпладнево повеќе врнежи ќе има во западните делови, а попладне ќе врне главно на југот од земјава.

Ќе биде и ветровито со силен северен ветер, кој на места ќе достигнува брзина и над 90 километри на час. Температурата ќе биде во интервал од 3 до 10 Целзиусови степени.

Во Скопје претежно облачно и ветровито, претпладне со повремен дожд. Ќе дува силен северен ветер. Температурата ќе биде околу 5 Целзиусови степени.

Утре ќе има преодна стабилизација со пониски утрински температури, а в четврток се очекуваат нови врнежи од дожд. Од петок ќе биде стабилно, за време на викендот сончево и значително потопло.

Во Битола денес слаби врнежи од снег но и врнежи од дожд